У бізнэсмэнаў масава канфіскуюць кватэры
11- 4.02.2009, 13:08
Дэпартамент фінансавых расследаванняў Камітэта дзяржаўнага кантролю Беларусі наклаў арышт на 27 кватэраў, якія належаць дырэктару прыватнай фірмы.
Пра гэта паведамілі агенцтву «Інтэрфакс-Захад» у КДК.
«Накладзены арышт на 27 кватэраў у жылым доме ў Менску, якія належаць дырэктару прыватнай фірмы, у дачыненні да якога ўзбуджаная крымінальная справа», - паведамілі ў камітэце.
Пры гэтым там ўдакладнілі, што ДФР КДК узбудзіў крымінальныя справы ў дачыненні да дырэктараў двух прыватных фірмаў, якія пры рэалізацыі нафтапрадуктаў ухіліліся ад выплаты падаткаў і збораў у асабліва буйным памеры - на суму больш за Br10 млрд.
«Кватэры арыштаваныя ў кошт пакрыцця шкоды, прычыненай дзяржаве. Акрамя гэтага, накладзены арышт на грашовыя сродкі ў суме больш з Br1 млрд», - удакладнілі ў КДК.
Паводле словаў суразмоўцаў агенцтва, у межах гэтай крымінальнай справы прыпынілі аперацыі па разліковых рахунках 10 ілжэпрадпрыймальніцкіх структураў.
