У Віцебску распаўсюджваюць улёткі з патрабаваннем вызваліць Дубскага (Фота)
- 20.11.2009, 9:58
Актывісты «Маладога фронта» працягваюць праводзіць інфармацыйную кампанію ў падтрымку вязняў сумлення.
Як паведамляе сайт mfront.net, на вуліцах Віцебска з’явіліся дзясяткі партрэтаў Арцёма Дубскага з заклікам да неадкладнага вызвалення палітвязня. Фатаздымкі былі расклеены на грамадскіх прыпынках, ліхтарных слупоў, сценах будынкаў і гарадскіх афішах.
Нагадаем, што 7 ліпеня Арцём Дубскі быў прысуджаны да года пазбаўлення волі ў калоніі агульнага рэжыму за парушэнне правілаў адбыцця пакарання па «справе 14-ці». Міжнародная праваабарончая арганізацыя «Amnesty International» у 2009 годзе прызнала ўдзельнікаў «Працэсу 14-ці» Вязнямі сумлення.
Таксама ў беларускіх турмах знаходзяцца палітвязні Мікалай Аўтуховіч і Уладзімір Асіпенка.
