Мілінкевіч павёз праграму МАЗаўскага форума ў Брусэль

Група паплечнікаў старшыні руху «За свабоду» 16-17 лістапада знаходзіцца з візітам у Брусэлі.

У складзе дэлегацыі – старшыня руху «За свабоду» Аляксандр Мілінкевіч, яго старшыня Юрась Губарэвіч, старшыня Партыі БНФ Аляксей Янукевіч, сустаршыня па стварэнні партыі «Беларуская хрысціянская дэмакратыя» Павал Севярынец, дэпутат Вярхоўнага савета XIII склікання Андрэй Клімаў. Пра гэта паведаміў БелаПАН намеснік старшыні руху «За свабоду» Віктар Карняенка.

Запланаваныя сустрэчы беларускіх палітыкаў са старшынём Еўрапарламента Ежы Бузекам і кіраўніком парламенцкай дэлегацыі па сувязях з Беларуссю Яцэкам Пратасевічам, а таксама з прадстаўнікамі Еўракамісіі.

«На сустрэчах будзе абмяркоўвацца прынятая на Беларускім еўрапейскім форуме праграма дзеянняў», — адзначыў Карняенка.

17 лістапада на паседжанні міністраў замежных спраў ЕЗ у Брусэлі плануецца разгледзіць пытанне пра візавыя санкцыі ў адносінах беларускіх чыноўнікаў.

Акрамя гэтага, гэтым ж днямі ў Брусэлі праходзіць Форум грамадзянскай супольнасці ў рамках ініцыятывы ЕЗ «Усходняе партнёрства», у працы якога бяруць удзел прадстаўнікі 27 няўрадавых арганізацый Беларусі. У прыватнасці, для ўдзелу ў форуме ў Брусэлі знаходзяцца прадстаўнікі моладзевай арганізацыі «Малады фронт», Асамблеі недзяржаўных дэмакратычных аб’яднанняў, шэрага экалагічных арганізацый, а таксама прафсаюзаў, у тым ліку старшыня Федэрацыі прафсаюзаў Беларусі Леанід Козік.