Ломаць: «Калі не ўгаварым, прымусім, каб беларускія тавары былі на паліцах»

Старшыня Камітэта дзяржаўнага кантроля паведаміў, што пытанне пра рэалізацыю беларускіх тавараў будзе пастаянна знаходзіцца на дзяржаўным кантролі.

«Тэма прасоўвання беларускіх тавараў і мінімізацыі імпарту для нас вельмі важная. Мы ёй займаемся штодзённа і штогадзінна», — перадае БелаПАН словы кіраўніка КДК Зянона Ломаця.

Ломаць падкрэсліў, што суб’екты гаспадарання ў гандлі «калі не ўгаварым, то прымусім, каб беларускія тавары былі на паліцах

«Мы не супраць імпарту, але ў разумных межах. Засілля імпарту не павінна быць. Наш народ, мне здаецца, перабудоўваецца і пачынае аддаваць перавагу беларускай прадукцыі», — сказаў Ломаць.

Ён таксама заявіў, што ў Беларусі нібы не існуе распараджэння канфіскоўваць з гандлёвай сеткі тавары расейскай вытворчасці.

«Некаторыя тавары бяруць для правядзення экспертызы адпаведныя структуры», — патлумачыў ён.