Зэльцэра могуць вызваліць з беларускай турмы
2- 8.01.2009, 14:27
Амерыканскага грамадзяніна Эмануіла Зэльцэра, які знаходзіцца ў беларускай турме, могуць вызваліць з-за кратаў пасля міжнароднага медыцынскага абследавання.
Такое меркаванне выказаў адвакат Зміцер Гарачка ў каментары «Еўрарадыё». Заканадаўства дазваляе датэрміновае вызваленне па прычыне хваробы.
«Тое, што ён хварэе, і калі будзе вызначана, што ёсць гэтая хвароба, — у нас заканадаўства дазваляе ўмоўна-датэрміновае вызваленне. Такі варыянт ёсць», - кажа Зміцер Гарачка.
Нагадаем, што пашыранае медыцынскае абследаванне Эмануіла Зэльцэра пройдзе ў студзені. Удзел у ім прымуць тры беларускіх доктара, а таксама лекар з ЗША Альберт Бенчабат.
