У Кобрыне моладзь спрабавала правесці акцыю пратэсту

У Кобрыне на заклік “Маладога фронту” на галоўную плошчу горада ўчора вышлі некалькі дзясяткаў маладых чалавек. Міліцыя перакрыла ўсе падыходы да месца правядзення акцыі пратэсту і не дала магчымасці падняць сцягі.

Усе спробы прайсці на плошчу спыняліся супрацоўнікамі міліцыі. Актывісты змаглі патрапіць на плошчу толькі да дзесяці гадзінаў вечара, дзе і расправілі расцяжку "Байкот".

Тэлеканалу БелСАТ забаранілі праводзіць здымкі, паведамляюць “Праваабаронцы за свабодныя выбары”.