Скрабца арыштавалі за ўлёткі пра байкот «выбараў»
- 15.09.2008, 12:34
Сёньня ноччу ў Берасьці былі затрыманыя моладзевыя актывісты Міхаіл Ільін і Яўген Скрабец.
Праваабаронца Ўладзімер Вялічкін паведаміў “Радыё Свабода”, што міліцыянты схапілі юнакоў на праспэкце Рэспублікі, ля інфармацыйных шчытоў для выбарцаў, калі нібыта яны наклейвалі ўлёткі “байкот”. Аднак, са словаў суразмоўцы, абвінавачваньне вылучана традыцыйна па артыкулу 17.1 Адміністрацыйнага кодэксу (дробнае хуліганства).
Дзяжурны Маскоўскага РАУС пацьвердзіў, што затрыманыя Міхаіл Ільін і Яўген Скрабец утрымліваюцца цяпер пад вартай.
