З 1 верасня з-за росту коштаў на бензін даражэе таксі

Услед за бензінам, дызпалівам, коштамі на жыллё і прадукты даражэе і таксі.

«Працаваць невыгодна. Таму ўвечары, з паўночы да дзвюх, калі ўсім трэба з'яжджаць, дыспетчар часта змушаны адказваць - машын няма. Бензін падаражэў у параўнанні з мінулым годам практычна ўдвая. Калі раней, пакуль чакаю кліента, я катаўся па горадзе і разглядаў славутасці, зараз прыходзіцца сядзець на адным месцы і чытаць кніжку. Або драмаць. Так што з верасня кошт 1 км будзе пачынацца ад 1500, у некаторых сэрвісаў і даражэй», -- паведаміў «КП в Беларуси» таксіст адной з менскіх фірм.

Апошні раз таксі даражэла ў лістападзе мінулага года. Тады тарыф падняўся з 850-950 рублёў да 1100-1320 за кіламетр.