На таргах БВФБ даляр ужо каштуе 2193 рублі
12- 10.12.2008, 12:06
Па выніках таргоў замежнымі валютамі 10 снежня на Беларускай валютна-фондавай біржы курс рубля абнавіў гістарычны мінімум па стаўленні да даляра.
Сёння прапаноўваецца 2193 рублі за даляр. У параўнанні з папярэднімі таргамі курс даляра павялічыўся на 5 рублёў.
Па дадзеных БВФБ, попыт на амерыканскую валюту склаў 81.827 млн. даляраў, прапанова – 58.697 млн. даляраў. Пры гэтым фактычны аб'ём дамоўленасцяў з далярамі склаў 81.612 млн.
Па выніках біржавога гандлю курс еўра павялічыўся на 35 рублёў і склаў 2847 рублёў за адзін еўра, курс расейскага рубля - на 0.56 рубля і склаў 78.69 беларускіх рублёў за адзін расейскі, перадае АФН.
