Уладальнікаў кватэраў без лічыльнікаў прымусяць цалкам аплачваць ваду

З 1 студзеня 2009 года грамадзяне, якія не ўсталявалі індывідуальныя лічыльнікі спажывання вады па непаважлівых прычынах, будуць плаціць за яе па сабекошце. Такое рашэнне рыхтуецца для падпісання ва ўрадзе.

Аб гэтым паведаміў на прэс-канферэнцыі 5 лістапада генеральны дырэктар ДВА "Менская гарадская жыллёвая гаспадарка" Віктар Вараб'ёў, перадае БелаПАН.

Як паведамлялася раней, сабекошт падачы вады складае каля 750 рублёў за кубаметр, а насельніцтва пакрывае выдаткі толькі на 43%.

Паводле інфармацыі В.Вараб'ёва, індывідуальныя лічыльнікі вады ў Менску ўсталяваныя ў 91,8% кватэраў (больш за 600 тыс. лічыльнікаў. Паводле апытанняў, грамадзяне, не якія ўсталявалі лічыльнікі, назвалі 14 прычынаў адмовы, у тым ліку працяглая адсутнасць па месцы жыхарства, пражыванне ў дамах, размешчаных на тэрыторыях, якія рэканструююцца, і тэхнічная немагчымасць усталявання лічыльнікаў. Сярод непаважлівых прычынаў — капітальны рамонт, які мае быць, аднясенне сябе да маламаёмасных і інш.

В.Вараб'ёў адзначыў, што Менгарвыканкам просіць урад знізіць заданне па ўсталяванні лічыльнікаў вады ў Менску на 100 тыс. адзінак. Да канца 2008 года індывідуальныя лічыльнікі вады павінны быць усталяваныя ва ўсіх кватэрах.

Як паведаміў В.Вараб'ёў, жыллёва-камунальныя службы абслугоўваюць 6 тыс. дамоў. У іх усталявана 8,3 тыс. групавых лічыльнікаў спажывання цяпла, больш за 5,8 тыс. сістэмаў рэгулявання падачы цяпла, 4,5 тыс. — расхода халоднай воды. "Гэтыя лічыльнікі рэгулярна правяраюцца, у ЖРЭА створаныя спецыяльныя падпадзяленні, якія займаюцца тэхнічным абслугоўваннем абсталявання", — паведаміў гендырэктар.