Мінгандаль Беларусі: Трэба абмежаваць свае апетыты па імпарце піва, мінеральных водаў, напояў

Мінгандаль падцвярджае, што вызначыў пералік тавараў, абмежаванне імпарту якіх нібыта не акажа ўплывы на сітуацыю на спажывецкім рынку краіны.

Аб гэтым заявіў у Менску журналістам першы намеснік міністра гандлю Міхаіл Свянціцкі. Паводле яго словаў, гэта не азначае ўвядзення забароны на іх імпарт.

"Не сакрэт, што такі пералік тавараў вызначаны", - сказаў ён, падкрэсліўшы пры гэтым, што "ніякай забароны на імпарт няма".

Як патлумачыў першы намеснік міністра, вызначаны "той пералік тавараў, які ва ўмовах існуючых праблемаў з крэдытаваннем набыцця можна разглядацца у апошнюю чаргу". Ён патлумачыў гэтае рашэнне неабходнасцю "даць на спажывецкі рынак у першую чаргу тавары крытычнага імпарту".

М.Свянціцкі заўважыў, што "гэтым спісам мы арыентавалі імпарцёраў і гандлёвыя арганізацыі, на чым трэба сканцэнтраваць сваю ўвагу ў частцы паставак імпартных тавараў".

Першы намеснік міністра паведаміў, што ў спіс тавараў, абмежаванне імпарту якіх не акажа значнага ўплыў на сітуацыю на спажывецкім рынку краіны, уключаныя тавары, якія, паводле знешняй гандлёвай статыстыкі, увозяцца ў рэспубліку ў нязначных аб'ёмах і ў дастатковай колькасці выпускаюцца беларускімі вытворцамі. Ён удакладніў, што ў харчовай групе - гэта сокавая прадукцыя, піва, мінеральныя воды, напоі. "Мы не адчуваем асцярогаў, калі ў нейкі меры абмяжуем набыццё сокавай прадукцыі, дастатковы асартымент якой выпускаецца айчыннымі вытворцамі. У гэтых умовах можна свае апетыты абмежаваць па імпарце піва, мінеральных водаў, напояў", - сказаў М.Свянціцкі.

Адказваючы на пытанні журналістаў, ён падцвердзіў, што, калі ў імпарцёраў маюцца ўласныя сродкі для набыцця прадукцыі, яны могуць увозіць яе без абмежаванняў. "Калі ў іх будуць уласныя сродкі для набыцця - калі ласка!", - сказаў ён, дадаўшы, што "штрафных санкцыяў не будзе".