Сёмы дзень ля сценаў СІЗА праходзяць акцыі ў падтрымку палітвязня Баразенкі (Фота, відэа)

25 лістапада ля сценаў следчага ізалятара № 1 па вул. Валадарскага ў Менску моладзевыя актывісты ў сёмы раз правялі акцыю салідарнасці з палітвязнем Аляксандрам Баразенкам.

Маладыя людзі з партрэтамі А.Баразенкі прастаялі на тратуары ўздоўж праезжай часткі каля гадзіны. Падчас акцыі ніхто затрыманы не быў.

Моладзевыя актывісты заяўляюць, што акцыі будуць працягвацца да таго часу, пакуль на свабоду не выйдзе апошні палітвязень.

Справа актывіста грамадзянскай кампаніі «Еўрапейская Беларусь» Аляксандра Баразенкі, аднаго з фігурантаў «Працэсу 14-ці», пачнуць разглядаць 8 снежня. Замест прызначанага раней суддзі Цэнтральнага суду Валерыя Есьмана працэс будзе весці Наталля Вайцяховіч.