Катэджы, у якіх жывуць міліцэйскія чыноўнікі (Фота)

Пасля нарады па пытаннях барацьбы з карупцыяй, па выніку якой за пабудову катэджаў коштам у мільён даляраў Лукашэнка даў указанні ўзбудзіць крымінальныя справы супраць некалькіх пракурораў, журналісты зацікавіліся, як жывуць астатнія чыноўнікі.

Газета «Народная воля» вырашыла захаваць райскі куток, аб якім казаў на сваёй нарадзе Лукашэнка. Гэтае маляўнічае месца знаходзіцца ў некалькіх дзясятках метраў ад Менскага вадасховішча і ў ім, па інфармацыі газеты, пабудаваныя дамы высокапастаўленых супрацоўнікаў Міністэрства ўнутраных спраў і Пракуратуры РБ. Зразумела, каб узвесці такі палац, якія вы бачыце на гэтых здымках, прыйшлося спілаваць не адну прыгажуню-хвою, пракласці-пратаптаць не адну дарожку. Няўжо раней ніхто не бачыў, з якім размахам разгарнулася прыватнае будаўніцтва, прама скажам, у курортнай зоне (літаральна ў сотні метраў — санаторый «Беларусачка»)? Кошт зямлі ў гэтым месцы, відавочна, баснаслоўны.

Яшчэ больш шыкоўныя хаты пабудавалі ў пасёлку «Дразды» пад Менскам, недалёка ад рэзідэнцыі Лукашэнкі, шматлікія іншыя высокапастаўленыя чыноўнікі Беларусі. Аднак аб гэтых дамах беларускі кіраўнік на антыкарупцыйнай нарадзе не сказаў ні слова.