У Літве перамагла партыя кансерватараў «Саюз Айчыны» - Хрысціянскія дэмакраты

Улада ў Літве пасля другога тура парламенцкіх выбараў, які адбыўся ў нядзелю, пераходзіць у рукі правай апазіцыі. Яе прадстаўнікі па выніках галасавання перамаглі кіруючую Сацыял-дэмакратычную партыю.

Як паведаміў старшыня галвыбаркама Літвы Зянонас Вайгаўскас, паводле папярэдніх дадзеных, больш за ўсё мандатаў падчас двух тураў галасавання дасталося аб'яднанай партыі кансерватараў "Саюз Айчыны" - Хрысціянскія дэмакраты. Да 18 мандатаў, атрыманым у першым туры па партыйных спісам, у другім туры яны дадалі 26 мандатаў у аднамандатных акругах.

Для фарміравання кіруючай большасці кансерватарам прыйдзецца ўступіць у кааліцыю. Рэальныя кандыдаты для яе стварэння таксама з лагера апазіцыі. Саюзнікамі кансерватараў эксперты бачаць дзве партыі ліберальнага толку і палітычных дэбютантаў - Партыю нацыянальнага ўваскрэсення, заснаваную літоўскімі "зоркамі" шоў-бізнесу. Партнёры могуць сфарміраваць кааліцыйную парламенцкую большасць у 79 галасоў.

Як перадае ІТАР-ТАСС, перамовы паміж патэнцыйнымі партнёрамі пачаліся ў ноч на панядзелак. Паведамляецца, што "Саюз Айчыны" - Хрысціянскія дэмакраты прэтэндуюць на пост прэм'ера і чатыры вядучых міністэрства - эканомікі, замежных спраў, абароны і фінансаў.

Сейм (аднапалатны парламент), у якім 141 месца, абіраецца ўсеагульным таемным галасаваннем па змешанай сістэме: 70 дэпутатаў - у шматмандатнай акрузе па партыйных спісах, 71 - у аднамандатных акругах па мажарытарнай сістэме. Пасля першага тура былі вядомыя імёны 70 дэпутатаў, дэлегаваных партыямі па спісах, а таксама трох чалавек, якія набралі больш за 50 % галасоў у аднамандатных акругах. У астатніх 68 акругах, дзе такога лідэра не апынулася, у другім туры супернічалі па два кандыдаты з лепшымі паказчыкамі.