Квадратны метр жылля ў Менску ізноў перавысіў 2 тысячы даляраў

На сёння за 1 квадратны метр у менскай аднапакаёвай кватэры прыйдзецца заплаціць у сярэднім 2028 даляраў.

Яшчэ ў жніўні метр каштаваў 1955 даляраў. Метр у двухпакаёвай кватэры, паводле інфармацыі сайта realt.by, зараз каштуе 1979 даляраў, у кватэры з трыма пакоямі — 1927, чатырма — 1883.

Парадаксальна, але рост коштаў на жыллё ў Беларусі адбываецца на фоне глабальнага крызісу коштаў на нерухомасць: і ў старым, і ў новым свеце, і нават у суседняй Прыбалтыцы квадраты таннеюць, адзначае «Еўрарадыё».