Чэхія: «Выбары» у Беларусі не адпавядалі еўрастандартам

Міністэрства замежных справаў Чэхіі, спасылаючыся на паведамленні назіральнікаў ад АБСЕ і ЗША, сёння заявіла, што «парламенцкія выбары» у Беларусі не адпавядалі еўрастандартам.

МЗС Чэхіі падкрэслівае, што «умацаванне дыялогу паміж Беларуссю і Еўразвязам залежыць ад будучых крокаў беларускага ўрада. У выпадку зацікаўленасці з боку Беларусі, Чэхія гатовая весці перамовы аб магчымасці такога дыялогу са сваімі партнёрамі ў ЕЗ». «У Чэхіі па-ранейшаму існуе цікавасць да эканамічнага супрацоўніцтва і магчымасці палітычнага дыялогу», - вядзецца ў заяве.