Польскі прэм'ер паедзе ў Маскву з праектам наземнага газаправода Расея – Еўропа

Прэм'ер-міністр Польшчы Дональд Туск на сустрэчы ў Крамлі 8 лютага прапануе Уладзіміру Пуціну правесці новы газаправод у Еўропу праз краіны Балтыі, польскую тэрыторыю і Нямеччыну, піша газета Dziennik 28 студзеня. У дадзеным выпадку труба ішла б толькі праз тэрыторыю Еўрапейскага Звязу, у абыход Беларусі і Украіны.

Са спасылкай на крыніцу ў міністэрстве эканомікі выданне сцвярджае, што польскія эксперты ўжо пралічвалі кошт наземнага праекту, і ён апынуўся ўдвая таннейшым, чым каштарыс газаправода "Паўночны паток", які дасягае 12 млрд. еўра.

Акрамя таго, у дадзеным выпадку труба ішла б толькі праз тэрыторыю Еўрапейскага Звязу, у абыход Беларусі і Украіны. А гэта, на думку міністэрскага службоўца, дае гарантыю таго, што гэтыя транзітныя краіны не будуць завышаць цану транзіту або спыняць перапампоўку газу, бо, маўляў, ім прыйдзецца паважаць энергетычнае заканадаўства ЕЗ. Польскае выданне таксама паведаміла, што ініцыятыва Туска скаардынаваная з скандынаўскімі і прыбалтыйскімі дзяржавамі.

На думку польскіх экспертаў, двухразовае патанненне праекту ў параўнанні з марскім шляхам будзе дасягнутае ў прыватнасці, за кошт таго, што траса газаправода пакарацее на 200 км. Гэта каля пятай часткі ўсёй даўжыні, па дадзеных газеты, у рэальнасці даўжыня падводнай часткі "Паўночнага патоку" складае каля 1200 км. Акрамя таго, не трэба будзе выраўноўваць марское дно перад пракладкай трубы і ўлічваць небяспеку падводных пахаванняў боепрыпасаў і атрутных рэчываў.

Даведка ІА "Росфинком". "Паўночны паток" (Nord Stream, раней Паўночна-Еўрапейскі газаправод (СЕГ)) – газаправод паміж Расеяй і Нямеччынай па дне Балтыйскага мора, пагадненне аб будаўніцтве якога было падпісанае на пачатку верасня 2005 г. падчас візіту расейскага прэзідэнта Уладзіміра Пуціна ў Нямеччыну.Траса Nord Stream працягласцю 1 200 км пройдзе ад Выбарга (Ленінградская вобласць) да Грайфсвальда (Нямеччына).

Таксама разглядаецца магчымасць будаўніцтва адгалінавання для газазабеспячэння Калінінградскай вобласці. Aкцыянеры Nord Stream AG: ААТ "Газпром" – 51%, Wintershall, падраздзяленне BASF - 20%, E.ON Ruhrgas, падраздзяленне E.ON – 20%, Gasunie, адзіны аператар газавых транспартных сетак Галандыі – 9%. Сумарныя інвестыцыі, неабходныя для рэалізацыі праекту Nord Stream у двухниточном выкананні (будаўніцтва марскога ўчастку), перавысяць 4 млрд. еўра.