WSJ: Канада гатовая супраціўляцца
1- 3.09.2026, 23:46
Атаве не даспадобы пасяганні Трампа.
Канада баіцца, што палітыка прэзідэнта ЗША Дональда Трампа можа ператварыць краіну ў падабенства Венесуэлы — дзяржаву, фактычна пазбаўленую самастойнасці, піша The Wall Street Journal (пераклад — сайт Charter97.org).
Пасля захопу дыктатара Нікаласа Мадуры амерыканскімі сіламі Венесуэла фактычна трапіла пад кантроль ЗША. Часовая прэзідэнтка краіны Дэльсі Радрыгес фактычна знаходзіцца пад патранажам Вашынгтона, амерыканскія войскі дзейнічаюць у краіне па ўласным меркаванні, а нафтавыя даходы праходзяць праз амерыканскае казначэйства.
«Гэта радыкальнае праяўленне так званай «дактрыны Донро» — новай версіі «дактрыны Манро», якая прадугледжвае дамінаванне ЗША ва ўсім Заходнім паўшар'і», — пішуць аўтары.
«Для Карні справа не ў эканамічных выдатках, а ў суверэнітэце», — адзначае выданне, тлумачачы жорсткую пазіцыю прэм'ер-міністра Канады Марка Карні.
Канадскія ўлады асабліва непакояцца тым, што Вашынгтон спрабуе выкарыстоўваць гандаль як інструмент палітычнага ціску. Трамп ужо пагражаў Канадзе высокімі мытамі і неаднаразова казаў пра магчымасць далучэння краіны да ЗША як 51-га штата.
«Ні адзін канадскі лідар не жадае стаць Дэльсі Радрыгес Поўначы», — заявіла былая віцэ-прэм'ерка Канады Хрыстя Фрыланд.
Асобнай крыніцай напружання сталі амерыканскія патрабаванні, якія Атава інтэрпрэтавала як спробу атрымаць права вета на гандлёвыя пагадненні Канады з іншымі дзяржавамі.
Пры гэтым Вашынгтон зацікаўлены ў канадскіх рэсурсах, перадусім у нафце. Трамп выступае за пашырэнне доступу ЗША да канадскіх сыравінных запасаў, адначасова дамагаецца абароны амерыканскага рынку ад канадскай прамысловай прадукцыі.
Кіраўніцтва Канады цяпер разглядае эканамічную залежнасць ад ЗША як патэнцыйны інструмент ціску. Аднак, на думку аўтараў, пакуль не зразумела, ці зможа Атава вытрымаць працяглую гандлёвую вайну.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
