«Беларусбанк» заклікаў кліентаў зрабіць адно дзеянне

Яно датычыць мабільнага прыкладання.

«Беларусбанк» папярэдзіў, што з 1 кастрычніка кліенты не змогуць у свае ўліковыя запісы ў мабільным прыкладанні дадаваць карткі, аформленыя на іншых людзей. А калі яны іх не выдаляць, то з гэтай даты не змогуць карыстацца ніякім «пластыкам» у M-Belarusbank.

«Дадаць у прыкладанне M-Belarusbank не сваю картку будзе нельга. Але без панікі!» — паведаміў банк. — Сапраўды, карыстальнікі прыкладання мелі такую магчымасць. Гэта было зручна, каб дапамагаць сваякам распараджацца рахункам або весці сумесны бюджэт. Але для папярэджання махлярскіх аперацый такой магчымасці хутка больш не будзе».

У «Беларусбанку» раяць да 1 кастрычніка выдаліць з прыкладання не свае карткі. «Калі гэтага не зрабіць, то карыстацца ў прыкладанні M-Belarusbank усімі карткамі нельга будзе», — папярэджвае фінансавая ўстанова.

Яшчэ адна парада кліентам ад банка — аформіць дадатковую картку да рахунку іншага чалавека і зарэгістраваць яе ў прыкладанні. «Такую картку можна аформіць у любым аддзяленні банка. Афармляе той, чый рахунак. Роднасныя сувязі не важныя, — дадалі ў „Беларусбанку“. — Калі картка будзе гатовая, яе можна дадаць у прыкладанне. І вы далей зможаце карыстацца агульным рахункам або дапамагаць сваяку здзяйсняць фінансавыя аперацыі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]