Зяленскі і Трамп сустрэліся ў Нью-Ёрку
6- 22.09.2026, 22:45
- 4,798
Фота: GettyImages
Сустрэча ў прысутнасці журналістаў доўжылася сем хвілін.
Прэзідэнт Украіны Уладзімір Зяленскі у аўторак, 22 ліпеня, сустрэўся з прэзідэнтам ЗША Дональдам Трампам у Нью-Ёрку. Перамовы праходзяць на палях 81-й сесіі Генеральнай асамблеі ААН.
Усё, што вядома пра сустрэчу прэзідэнтаў, сабрала РБК-Украіна у матэрыяле.
У пачатку сустрэчы Трамп пракаментаваў украінскія ўдары па расійскіх НПЗ. Па яго словах, ён будзе абмяркоўваць гэтае пытанне з Зяленскім, паколькі гэта ўплывае на цэны на паліва.
У той жа час Зяленскі выказаў надзею, што вайну ўдасца завяршыць да зімы і што Трамп дапаможа ў гэтым.
На пытанне, ці згодзіцца Пуцін сустрэцца ў Маямі на саміце G20, Трамп адказаў: «Я не ведаю, ці згодзіцца ён, але ён хоча завяршыць вайну. Яны абодва (разам з Зяленскім — рэд.) хочуць завяршыць вайну».
Акрамя таго, Трамп дадаў, што сёння ёсць добрая магчымасць заключыць пагадненне паміж Украінай і РФ. На яго думку, у інтарэсах Расіі — завяршыць вайну, бо ёсць два варыянты: адзін дрэнны, другі — прывядзе да велічы.
Заўважым, што сустрэча Зяленскага з Трампам у прысутнасці журналістаў доўжылася 7 хвілін, яна працягнулася ў закрытым фармаце.
Што папярэднічала сустрэчы
Зяленскі прыбыў у Нью-Ёрк для ўдзелу ў Генасамблеі ААН. Прэзідэнт Украіны анансаваў каля 20 сустрэч з прадстаўнікамі ЗША, еўрапейскімі лідарамі, кіраўнікамі міжнародных арганізацый, амерыканскіх кампаній і аналітычных цэнтраў.
Таксама кіраўнік дзяржавы паведамляў пра падрыхтаваную да падпісання новую Drone Deal. Сярод прыярытэтаў украінскага боку ён назваў набліжэнне міру, абарону жыцця людзей, умацаванне СПА і канкрэтныя прапановы па бяспецы і дэскалацыі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
