Марсаход Curiosity выявіў на Марсе дзіўныя адбіткі

Гэта можа быць сляд, пакінуты жывой істотай.

Марсаход Curiosity выявіў у кратары Гейла дзіўнае паглыбленне на паверхні, якое нагадвае адбітак чыёйсьці нагі або лапы. Няўжо гэта сляд, пакінуты жывой істотай? Няўжо яго пакінуў іншапланецянін?

Насамрэч гэты аб'ект, хоць і не падобны ні на што з таго, што вучоныя бачылі раней на паверхні Марса, не мае дачынення да іншапланецян. І ўсё ж загадка застаецца, піша Space.

З 2012 года марсаход Curiosity праводзіць даследаванне Марса ў кратары Гейла. Там ён, у прыватнасці, шукае прыкметы існавання пазаземнага мікрабнага жыцця на Чырвонай планеце ў далёкім мінулым. Зараз марсаход НАСА вывучае схілы гары Эоліда, якая знаходзіцца ў цэнтры кратара Гейла і мае вышыню прыблізна 5 кіламетраў.

Падчас нядаўніх назіранняў робат на колах сфатаграфаваў незвычайную асаблівасць рэльефу, якая зусім не падобная на тое, што вучоныя бачылі раней. Гэты загадкавы аб'ект уяўляе сабой скупленне шырокіх, але не вельмі глыбокіх паглыбленняў, раскіданых па карэннай пародзе Марса. Карэнная парода — шчыльны і цвёрды пласт горных парод, які залягае пад рыхлым глебавым пакровам.

Невялікія паглыбленні на паверхні Марса сустракаюцца даволі часта, і іх ужо вывучаў Curiosity. Але ўсе яны моцна адрозніваюцца ад нядаўна выяўленых формаў рэльефу. Новыя паглыбленні значна шырэйшыя, але не такія глыбокія, як тыя, што марсаход бачыў раней у кратары Гейла. Пры гэтым вучоныя не выявілі ніякіх аб'ектаў побач з гэтымі паглыбленнямі, якія маглі б першапачаткова знаходзіцца ў іх.

Даследчыкі сабралі максімум дадзеных пра гэтыя дзіўныя формы рэльефу з дапамогай прылад Curiosity і пачалі іх аналіз. Як паведамілі вучоныя з НАСА, у матэрыяле, які запаўняе гэтыя дзіўныя ямы, былі выяўлены пласты, хімічны склад якіх адрозніваецца ад асноўнай карэннай пароды.

Вучоныя хочуць высветліць, як утварыліся гэтыя ямы на Марсе, як даўно яны існуюць і што яны могуць распавесці пра гісторыю Чырвонай планеты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]