Экспарт расійскай пшаніцы абрынуўся да мінімуму за 16 гадоў

Каласальныя страты.

Экспарт расійскай пшаніцы ў жніўні можа стаць самым нізкім для гэтага месяца за апошнія 16 гадоў, ацэньваюць аналітыкі «СовЭкона».

Паводле іх разлікаў, збожжавыя экспарцёры змогуць вывезці за мяжу 2,2 млн тон пшаніцы — удвая менш, чым у жніўні 2023 года (4,5 млн тон), і на 56% ніжэй за сярэдні паказчык для гэтага месяца за апошнія пяць гадоў. Менш пшаніцы ў жніўні Расія экспартавала толькі ў 2010 годзе, калі з-за засухі ўрад увёў забарону на вываз збожжа, піша The Moscow Times.

На дадзены момант усе найбуйнейшыя збожжавыя парты на Чорным моры і Азоўскім моры паралізаваныя, адзначае «СовЭкон». На мінулым тыдні пасля атак БПЛА спыніліся тры збожжавыя тэрміналы порта Наварасійска, праз якія сумарна на экспарт адпраўлялася каля 25 млн тон збожжа. У канцы ліпеня пасля ўдараў дронаў быў спынены збожжавы тэрмінал у Тамані, а за некалькі тыдняў да таго ўлады прыпынілі суднаходства праз Керчанскі праліў. Для экспарту застаўся толькі порт Туапсэ, аднак яго магутнасці сціплыя — толькі 250 тысяч тон у месяц.

Калі праца збожжавых тэрміналаў не адновіцца да канца месяца, то аб'ёмы экспарту могуць аказацца нават ніжэй за 2,2 млн тон, падкрэслівае «СовЭкон».

Для аграрыяў гэта абарочваецца «каласальнымі стратамі», б'е трывогу прэзідэнт Расійскага збожжавага саюза Аркадзь Злочэўскі: «Засекі папаўняюцца штодня, попыт пры гэтым спыніўся, экспарцёры практычна перасталі закупляць збожжа».

З-за лішку прапановы ўнутраныя цэны на збожжа зніжаюцца — на 18% з чэрвеня, паводле дадзеных «СовЭкона». А аграрыі вымушаныя прадаваць ураджай ніжэй за сабекошт. Наступствы гэтага стануць відавочныя ў наступным сезоне, лічыць Злочэўскі: «Узяць грошы няма адкуль, крэдытныя рэсурсы недаступныя. Калі мы не атрымаем дастатковай колькасці фінансавання, азімая сяўба будзе правальнай».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]