Чаму дзверы вагонаў мінскага метро зачыняюцца перад пасажырамі
Машыніст расказаў, чаму ўсё вырашаюць секунды.
Чаму дзверы ў вагонах цягнікоў сталічнага метро могуць зачыніцца прама перад самым носам, расказаў у сваім TikTok машыніст Мінскага метрапалітэна Уладзіслаў.
Мужчына патлумачыў, што графік у машыністаў «вельмі складаны, пасекундзны».
@vlad_ali_87 Адказ карыстальніку @lyhbeloved1 ♬ арыгінальны гук — Vladislav🇧🇾
«То-бок мы абавязаныя адпраўляцца не проста ў нейкую хвіліну, а ў хвіліну і столькі-то секунд. Напрыклад, у 15 секунд, 35, 45 і гэтак далей… І калі адставанне ад графіка 10 секунд — гэта яшчэ лічыцца дапушчальным. Калі больш — 20 секунд — гэта ўжо на мяжы. 30 секунд — ужо крытычна», — патлумачыў Уладзіслаў.
Ён дадаў, што машыністы стараюцца ўзяць як мага больш пасажыраў, але не заўсёды гэта магчыма.
«І вось калі перад вамі зачыніліся дзверы, вы засмуціліся, пакрыўдзіліся на машыніста… Магчыма, ён на папярэдніх станцыях ужо стараўся кагосьці браць, таму ў яго проста вычарпаны дапушчальны ліміт і больш яму нельга чакаць», — расказаў машыніст.
Уладзіслаў прызнаецца, што і сам з кабіны заўважаў негатыўную рэакцыю людзей, якія засталіся на платформе.
«Зразумейце спецыфіку працы метро. Бо на адной станцыі пачакаў людзей, узяў максімальна, колькі мог, — мінус 10 секунд. На наступнай такія ж людзі бягуць і просяць: «Возьмеце нас, вазьміце». Ты іх шкадуеш — і вось яшчэ мінус 5–10 секунд. І вось у цябе ўжо 20 секунд [адставання ад графіка]. А наперадзе яшчэ 15 станцый, і гэты [страчаны] час ніадкуль не возьмецца», — адзначыў Уладзіслаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
