Місія «Бэмбі»: украінскі спецназ узяў у палон акупантаў і выратаваў аленяня

Раскрытыя падрабязнасці незвычайнай аперацыі.

Украінскія спецназаўцы 6-га палка ССА Rangers узялі ў палон траіх расійскіх акупантаў. Яшчэ адзін захопнік, які адмовіўся здацца без бою, быў знішчаны.

Падчас гэтага баявога выхаду байцы таксама выратавалі маленькае аленяня. Падрабязнасці аперацыі раскрылі у Сілах спецыяльных аперацый Узброеных Сіл Украіны.

Аперацыю, што завершылася папаўненнем абменнага фонду і выратаваннем маленькага аленяня, у ССА паўжартам назвалі «місіяй «Бэмбі»».

Аперацыя была праведзеная на адным з напрамкаў. Там аператары 6-га палка ССА Rangers «правялі спецыяльныя дзеянні, узялі ў палон траіх акупантаў і выратавалі адно аленяня».

«Дзейнічаючы скрытна, аператары ССА праніклі ў раён выканання задання і здзейснілі налёт на варожыя пазіцыі. Выявіўшы сховішчы праціўніка, аператары прапанавалі здацца без бою, аднак вораг не скарыстаўся гэтай магчымасцю», – адзначаецца ў паведамленні.

Карма за адмову скласці зброю настігла захопнікаў амаль імгненна. Па выніках кароткага бою адзін з расійскіх вайскоўцаў быў ліквідаваны. Яшчэ траіх абаронцы ўзялі ў палон.

Палонных раззброілі, акрамя зброі ў іх канфіскавалі сродкі сувязі і дакументы.

«Падчас правядзення спецыяльных мерапрыемстваў быў выяўлены нечаканы «ўдзельнік» – аленяня, якое эвакуявалі з небяспечнай зоны», – дадалі ў ССА, паказаўшы кранальныя кадры з выратаваным жыхаром лесу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]