Z-ваенкар прадказаў бунт у Расіі

Расіяне ўжо не гатовыя ісці на немінучую смерць.

У асяроддзі расійскіх Z-блогераў адкрыта загаварылі пра падрыхтоўку РФ да новай хвалі мабілізацыі. Аднак яны лічаць, што такая мабілізацыя на фоне велізарных страт расійскай арміі ва Украіне «узарве» Расію. Пра гэта, у прыватнасці, заявіў так званы «вайсковы эксперт» Максім Клімоў у эфіры Z-блогера Паўла Іванова, піша dialog.ua.

Клімоў прызнаў, што мабілізацыя з’яўляецца вельмі балючай тэмай для расійскага грамадства, паколькі яно ўсвядоміла, што армія РФ нясе вялікія страты ў вайне. Субяседнік Іванова ўпэўнены, што правядзенне мабілізацыі ў такіх умовах можа прывесці да бунтаў у РФ, бо расіяне проста адмовяцца ісці на немінучую смерць.

«Што б там ні крычалі, усё ідзе да будучай мабілізацыі. Тэма сапраўды балючая для грамадства. Яно ўсвядоміла і маштабы страт, і іншае. А чаму ў вас не хапае асабовага складу? Можа, разбярэмся, чаму такія страты? Палічым, якія рэальныя страты... Праводзіць мабілізацыю ў такіх умовах — гэта проста ўзарве краіну», — заявіў Клімоў, прама намякаючы на тое, што расійскае камандаванне кідае акупантаў на штурмы, у якіх яны ад пачатку не маюць шанцаў выжыць.

Іваноў пагадзіўся са сваім субяседнікам і дадаў, што з-за баязі бунтаў Крэмль і спрабуе максімальна адцягваць правядзенне новай мабілізацыі. Клімоў у працяг размовы заявіў, што цяперашняе ваеннае кіраўніцтва РФ не здольнае скараціць колькасць страт на фронце, і патрабаваў адстаўкі начальніка расійскага Генштаба Валерыя Герасімава.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]