Пуцін учыніў скандал з Японіяй: Мядзведзеў адрэагаваў

Заява Токіа выклікала нервовую рэакцыю ў Крамлі.

Выданне Bloomberg піша, што Уладзімір Пуцін упершыню за 25 гадоў наведаў акупаваны востраў Ітуруп, які з’яўляецца прадметам тэрытарыяльнай спрэчкі паміж Расіяй і Японіяй.

Японская назва гэтага вострава — Эторофу; ён адносіцца да «Паўночных тэрыторый», на якія Японія працягвае прэтэндаваць.

Пуцін праінспектаваў на востраве рыбаперапрацоўчы завод, свядома выбраўшы паездку, якая мусіла выклікаць жорсткую рэакцыю Японіі. Пасля візіту Токіа выказаў афіцыйны пратэст.

«Паўночныя тэрыторыі, уключаючы Эторофу, з гістарычнага і юрыдычнага гледзішча з’яўляюцца неад’емнай часткай тэрыторыі Японіі, і Японія рашуча пратэстуе супраць гэтага візіту», — заявіў міністр замежных спраў Японіі Тосіміцу Мотэгі.

Ітуруп уваходзіць у паўднёвую частку Курыльскіх астравоў. Расія захапіла гэтыя тэрыторыі пасля Другой сусветнай вайны, аднак Японія дзесяцігоддзямі лічыць Ітуруп, Кунашир, Шыкотан і Хабомай сваімі тэрыторыямі.

Пасля візіту Пуціна Дзмітрый Мядзведзеў выступіў з пагрозамі ў адрас Японіі.

Ён заявіў, нібыта «Курылы былі, ёсць і будуць расійскай зямлёй», і пагражаў «цяжкімі наступствамі» тым, хто аспрэчвае прыналежнасць астравоў.

Паводле яго, гэта датычыць і прэм’ер-міністра Японіі Санаэ Такаіці, калі Токіа працягне падымаць пытанне аб «Паўночных тэрыторыях».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]