З’явіліся падрабязнасці бою F-16 і Су-35

Украінцы завабілі расійскага лётчыка ў пастку.

Украінскі журналіст Іван Якаўіна паспрабаваў аднавіць храналогію паветранага бою паміж украінскімі F-16 і расійскім Су-35, што скончыўся паразай расійскага знішчальніка, піша «Дыялог».

Каментуючы інфармацыю з расійскіх крыніц, журналіст прыйшоў да высновы, што ўкраінскія лётчыкі хітрасцю завабілі расійскага лётчыка ў пастку, у якой яго атакоўвалі ракеты як з паветра, так і з зямлі. Якаўіна адзначыў, што Су-35 — больш новы знішчальнік, чым F-16, які мае лепшыя радыёлакацыйныя станцыі і ракеты вялікай далёкасці. Журналіст мяркуе, што, заўважыўшы ўкраінскія F-16, Су-35 кінуўся ў пагоню за імі, разлічваючы збіць іх, спадзяючыся на сваю перавагу ў характарыстыках.

«Але ўкраінскія пілоты не сталі ўцякаць, яны нібыта разгарнуліся і далі яму бой. У сучасных умовах паветраны бой азначае запуск ракет па праціўніку і адначасовае ўхіленне ад ракет праціўніка. Для поспеху ў гэтым баі даводзіцца вельмі шмат манеўраваць, набіраць і скідаць вышыню, спрабаваць неяк абысці праціўніка з флангу і гэтак далей. Але, як мы бачым з расійскіх тлумачэнняў, у пэўны момант украінцы хітрасцю, відаць, завялі варожы Су-35 у зону дзеяння наземнага зенітна-ракетнага комплексу Patriot, і ракеты па Су-35 паляцелі яшчэ і з зямлі», — заявіў журналіст.

Такім чынам, расійскаму лётчыку давялося ўхіляцца адначасова ад ракет двух F-16 і ЗРК Patriot, што з’яўляецца надзвычай складанай задачай. У выніку адна з ракет паразіла варожы знішчальнік. Пры гэтым Якаўіна мяркуе, што ў Су-35 трапіла ракета AMRAAM, выпушчаная адным з F-16, а не ракета Patriot.

«Судзячы з таго, што расійскі лётчык выжыў, прынамсі расіяне пра гэта кажуць, у самалёт, хутчэй за ўсё — я не магу гарантаваць на сто працэнтаў — трапіла не ракета Patriot. Я растлумачу, чаму. Гэта ракета вельмі вялікая, яна стварае гіганцкі выбух з воблакам металічных шарыкаў, які ператварае і самалёт, і яго лётчыка проста ў рэшата, выжыць пры такім выбуху проста нерэальна», — патлумачыў журналіст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]