Лукашэнка ўручыў медаль Францыска Скарыны маці прапагандыста Тура

Ірына Тур узначальвае Дом культуры ў Лідзе.

30 чэрвеня Лукашэнка ўручаў дзяржаўныя ўзнагароды. Сярод узнагароджаных медалём Францыска Скарыны была і Ірына Тур — маці прапагандыста Ігара Тура, піша «Гродзенская праўда».

Ірына Тур родам з вёскі ў Мядзельскім раёне, скончыла харэаграфічнае аддзяленне культурна-асветніцкага вучылішча ў Мінску (цяпер Мінскі дзяржаўны каледж мастацтваў). Пасля працавала мастацкім кіраўніком у сельскіх дамах культуры, рэжысёрам, а затым і дырэктарам Лідскага раённага навукова-метадычнага цэнтра. Дом культуры ў Лідзе яна ўзначальвае ўжо 20 гадоў, а таксама тут дзіцячым аддзелам загадвае яе дачка Вольга Каплун.

«Медаля Францыска Скарыны сын быў удастоены на 5 гадоў раней за мяне, — сказала Ірына Тур пасля ўзнагароджання. — І відаць, што гэта яго вельмі бянтэжыць. Але, думаю, што ён, сам будучы бацькам, разумее: для кожнага з бацькоў дасягненні дзяцей даражэйшыя за іх уласныя ўзнагароды. Галоўнае — што нашы сямейныя традыцыі ён перанёс у сваю сям'ю, а прывітыя маральныя каштоўнасці — у прафесійную дзейнасць і адносіны з навакольнымі».

Ігар Тур — адзін з ключавых прапагандыстаў лукашэнкаўскага рэжыму, вядомы хлуслівымі і абразлівымі выказваннямі на адрас беларускай апазіцыі і ўдзельнікаў пратэстаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]