Зяленскі і Трамп сустрэліся на саміце НАТА ў Анкары: што вядома
- 8.07.2026, 16:35
- 1,268
Адна з ключавых тэм перамоваў — узмацненне ўкраінскай СПА.
Прэзідэнт Украіны Уладзімір Зяленскі і прэзідэнт ЗША Дональд Трамп у сераду, 8 ліпеня, праводзяць сустрэчу на палях саміту НАТА ў турэцкай Анкары. Адна з ключавых тэм перамоваў — узмацненне ўкраінскай СПА.
РБК-Украіна у матэрыяле ніжэй распавядае, што вядома пра сустрэчу двух лідараў.
На перамовы адведзена адна гадзіна. Галоўная тэма — узмацненне ўкраінскай СПА, у прыватнасці, ракеты да Patriot. Пасля сустрэчы Трамп правядзе перамовы з прэзідэнтам Сірыі і прэс-канферэнцыю.
Падчас сустрэчы Зяленскі заявіў, што галоўнымі тэмамі перамоваў з'яўляюцца СПА, мірны працэс і «дрон-дзіл». Прэзідэнт Украіны дадаў, што хоча абмеркаваць важныя дэталі супрацоўніцтва.
Трамп пра адносіны з Зяленскім: «Мы развілі добрыя адносіны — ад Авальнага кабінета і дагэтуль». На адказ Зяленскага «Гэта не канец», Трамп сказаў: «Гэта пачатак».
Трамп таксама заявіў, што ў Украіны вялікая будучыня дзякуючы сваёй зямлі, рэсурсам і людзям.
Дзяржсакратар ЗША Рубіо паведаміў, што ЗША абмяркоўваюць магчымасць узмацнення далёкабойных магчымасцяў Украіны: «Мы абмяркоўваем магчымасць Украіны дасягаць глыбіні Расіі». Каментуючы гэта, Трамп заявіў: «Гэта эскалацыя. Але гэта эскалацыя, якая можа прывесці да завяршэння вайны».
Кажучы пра мірную дамову паміж Украінай і РФ, Трамп адзначыў, што яна «ў працы ўжо даўно», а вайну параўнаў з бойкай двух чалавек у парку: «Часам, магчыма, трэба даць ім пабіцца».
Трамп таксама заявіў, што ЗША могуць дазволіць Украіне вырабляць Patriot.
«Мне птушачка нашэптала, што мы дамо ім (украінцам) права вырабляць Patriot, мы пакажам, як іх вырабляць», — сказаў прэзідэнт ЗША.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
