Навукоўцы распавялі, як правільна прасіць людзей аб паслузе
- 8.07.2026, 10:59
- 1,162
Часам людзі саромеюцца звярнуцца па дапамогу да блізкіх, не кажучы ўжо пра просьбы, адрасаваныя калегам.
Навукоўцы з Каліфарнійскага ўніверсітэта ў Лос-Анджэлесе (ЗША) высветлілі, як правільна прасіць навакольных аб паслузе, піша «Нож».
Аўтары вывучылі больш раннія даследаванні, прысвечаныя зваротам па дапамогу. У выніку каманда вылучыла тры асноўныя падыходы, якія шырока распаўсюджаныя сярод прадстаўнікоў розных культур.
Першы падыход — «інфармацыйна-песімістычны». Яго прыхільнікі просяць аб паслузе, загадзя выбачаючыся перад адрасатам і звяртаючы яго ўвагу на негатыўны бок задачы. Напрыклад, замест пытання пра наяўнасць вольнага часу чалавек скажа: «Я ўпэўнены, што вы занятыя, але хацеў бы ведаць, ці не маглі б вы…»
Згодна з другім, «рацыянальна-ветлівым» падыходам, чалавеку варта падладжвацца пад суразмоўцу і пад сітуацыю. Так, мала знаёмаму адрасату трэба даць магчымасць адмовіцца ад выканання просьбы, а ў дыялогу з блізкімі людзьмі можна дзейнічаць больш бескампрамісна. Прыхільнікі трэцяга падыходу, «ірацыянальнага аптымізму», апісваюць станоўчыя бакі сваёй просьбы і наўпрост не кажуць, што суразмоўца мае права адказаць ім адмовай.
Навукоўцы прааналізавалі дадзеныя пра натуральныя размоўныя зносіны: гаворка пра 92 гадзіны аўдыязапісаў і 194 запыты на арабскай, англійскай і італьянскай, а таксама на мовах лонгандо, саек, сіву і тікуне.
Вынікі паказалі, што толькі 11–25% людзей згаджаліся выканаць чыюсьці вялікую просьбу. Судзячы па ўсім, большасць тых, хто звяртаўся па дапамогу, выкарыстоўвалі ірацыянальна-аптымістычны падыход, чым адпужвалі патэнцыйнага памочніка.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
