Лукашэнка звольніў галоўнага следчага Мінскай вобласці
1- 6.07.2026, 19:15
- 2,658
Пад яго кіраўніцтвам было адмовлена ва ўзбуджэнні крымінальнай справы па факце смерці пратэстоўца Аляксандра Віхора.
Аляксандр Лукашэнка падпісаў указ аб вызваленні Сяргея Удовікава з пасады начальніка ўпраўлення Следчага камітэта па Мінскай вобласці.
Сяргея Удовікава звольнілі са службы ў Следчым камітэце з правам нашэння ўсталяванай формы адзення і знакаў адрознення. Зрабілі гэта «ў сувязі з пагадненнем бакоў» — даволі незвычайная фармулёўка, калі ідзе гаворка пра адстаўкі высокапастаўленых сілавікоў.
Перад тым як у красавіку 2024 года стаць кіраўніком упраўлення Следчага камітэта па Мінскай вобласці, Сяргей Удовікаў узначальваў аналагічнае ўпраўленне па Гомельскай вобласці.
Менавіта падчас яго кіраўніцтва гэтым упраўленнем праводзілася праверка па факце смерці 11 жніўня 2020 года, падчас паслявыбарчых пратэстаў, жыхара Гомеля Аляксандра Віхора.
У ўзбуджэнні крымінальнай справы па факце смерці Віхора тады было адмовлена. Сяргей Удовікаў тады заявіў, што смерць пратэстоўца нібыта не мела крымінальнага характару. Паводле яго слоў, сілавікі прымянілі фізічную сілу «абгрунтавана», а прычынай смерці стала раптоўнае абвастрэнне захворвання сардэчна-сасудзістай сістэмы. Пераломы рэбраў і грудзіны, як сцвярджаў Удовікаў, узніклі нібыта ў выніку правядзення рэанімацыйных мерапрыемстваў.
Нагадаем, 25‑гадовага Аляксандра Віхора затрымалі ўвечары 9 жніўня на вуліцы Савецкай у Гомелі, паводле слоў родных, ён ехаў да сваёй дзяўчыны. Сям’я шукала сына тры дні: тэлефанавалі і хадзілі ў РАУС, дзяжурылі да ночы каля СІЗА і ІЧУ. І толькі калі 12 жніўня родныя прыехалі ў міліцыю пісаць заяву аб знікненні чалавека, стала вядома: Сашы няма ў жывых яшчэ з 11 жніўня.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
