Мінабароны РФ хоча адмяніць медагляд пры мабілізацыі

З наборам на кантракт усё кепска?

Міністэрства абароны Расіі прапанавала адмяніць абавязковае медыцынскае асведчанне для кантрактнікаў і мабілізаваных, якое вызначае іх прыдатнасць да службы. Як звярнула ўвагу «Вёрстка», адпаведны праект паправак у закон апублікаваны на партале праектаў прававых актаў. Змены будуць дзейнічаць у перыяд мабілізацыі, ваеннага становішча або ў ваенны час.

Праект паправак уносіць у артыкул 5.1 Федэральнага закона аб вайсковай павіннасці новы пункт, згодна з якім медыцынскае асведчанне становіцца абавязковым толькі ў асаблівых выпадках: пры наяўнасці ў кандыдата увеччаў (ранаў, траўмаў, кантузій), пры наяўнасці захворванняў, паводле якіх ён падлягае прызнанню абмежавана прыдатным да службы, або пры наяўнасці захворванняў, паводле якіх ён прызнаецца непрыдатным да службы. Замежнікі і асобы без грамадзянства з гэтага правіла выключаныя. Пры гэтым выяўленне такіх увеччаў або захворванняў будзе праводзіцца падчас медыцынскага агляду, парадак якога вызначыць сама Мінабароны.

Кіраўнік антываеннага праекта «Ідзіце лесам» Грыгорый Свердлін пракаментаваў новаўвядзенне. «Так, відаць, з наборам кантрактнікаў усё настолькі кепска, што яны хочуць прыбраць абавязковае медыцынскае асведчанне. Калі законапраект прымуць, то асведчанне будзе праводзіцца не «па змаўчанні», а толькі ў асаблівых выпадках — калі ёсць увеччы або сур'ёзная хвароба. І нават тады спачатку будзе медыцынскі агляд, а парадак яго правядзення вызначыць Мінабароны», — сказаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]