Крэмль расколвае Расію дзеля Масквы
- Віталій Шапран
- 27.07.2026, 13:13
- 3,328
Разрыў павялічваецца.
Масква працягнула абдзіраць рэгіёны. На гэты раз прыніжэнне рэгіёнаў адбылося праз рынак бензіну.
На мінулым тыдні на АЗС у Маскве і вобласці значна скараціліся чаргі. Як высветлілася пазней, скарачэнне чаргаў адбылося за кошт перакідкі ў Маскву запасаў паліва з рэгіёнаў.
Наглядная дэманстрацыя стаўлення федэральнага цэнтра да рэгіёнаў настолькі ўразіла свядомасць расіян, што ў канцы мінулага тыдня ўрад РФ павялічыў пастаўкі паліва і ў асобныя буйныя гарады ў аддаленых рэгіёнах РФ.
Відаць, у Крэмлі адчулі, што ў рэгіёнах заўважылі дзікую цэнтралізацыю, і таму вырашылі пафасна згладзіць свой пралік. У прыватнасці, урад РФ абвясціў пра спісанне двух трэцін запазычанасці па бюджэтных крэдытах у дзевяці рэгіёнах РФ (Алтаі, Башкірыі, Чачні, Іванаўскай, Ленінградскай, Арлоўскай, Саратаўскай, Тамбоўскай і Цвярской абласцях) на агульную суму 8,4 млрд руб.
Гэта навіна абляцела большасць федэральных СМІ, але пры гэтым не ўзгадвалася, што 8,4 млрд рублёў — гэта ўсяго толькі 0,42 % ад планавага кансалідаванага рэгіянальнага бюджэтнага дэфіцыту на 2026 год або 1,7 % ад кансалідаванай запазычанасці рэгіёнаў РФ па крэдытах банкаў пад рынкавыя стаўкі.
Урэшце, анекдатычна выглядала сустрэча прызначанага лідара Якуціі з Пуціным, на якой дыктатару нагадалі, што Якуція ўсё яшчэ чакае хуткага прагрэсу ў распрацоўцы Томтора (радовішча рэдказямельных металаў).
Дыктатар чарговы раз нешта паабяцаў, але калі стала вядома, што за праект адказвае АЛРОСА (кампанія, якая здабывае дыяменты ў РФ), стала зразумела, што Томтор даўно адклалі ў доўгую скрыню, а якутам проста абяцаюць інвестыцыі, крыніц якіх у РФ няма.
Віталій Шапран, «Фэйсбук»
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
