Назвалі галоўную якасць новага Джэймса Бонда
- 29.06.2026, 12:38
- 1,120
Пра гэта распавяла кастынг-дырэктарка франшызы.
Кастынг-дырэктарка фільмаў пра Джэймса Бонда Дэббі Макуільямс, якая працавала над франшызай амаль 40 гадоў, распавяла, якім павінен быць наступны выканаўца ролі агента 007. Паводле яе, галоўная рыса ідэальнага Бонда — загадкавасць, піша Independent (пераклад — сайт Charter97.org).
Макуільямс, якая падбірала акцёраў для 13 фільмаў серыі і адкрыла свету Цімаці Далтона, Пірса Броснана і Дэніэла Крэйга, лічыць, што цяперашнія фаварыты не падыходзяць на гэтую ролю. Сярод іх называюць Калума Тэрнера, Гарыса Дыкінсана і Джэйкаба Элорды.
Паводле спецыялісткі, гледачы не павінны ведаць занадта шмат пра будучага Бонда. Менавіта загадкавасць робіць персанажа пераканаўчым як прафесійнага выведніка. Вядомасць акцёра, наадварот, замінае ўспрыманню вобраза.
Макуільямс нагадала, што кандыдатура Дэніэла Крэйга ў свой час таксама выклікала хвалю крытыкі. Супраць яго прызначэння выступалі прыхільнікі франшызы, прадстаўнікі студыі і нават рэжысёр. Аднак пазней менавіта Крэйг стаў адным з самых паспяховых выканаўцаў гэтай ролі.
Кастынг-дырэктарка таксама раскрытыкавала ідэю выбіраць новага Бонда шляхам грамадскага галасавання. Яна ўзгадала, як пасля пераходу творчага кантролю над франшызай да Amazon Джэф Безас спытаў карыстальнікаў сацсетак, каго яны хацелі б бачыць у ролі агента 007. На думку Макуільямс, падобныя рашэнні нельга прымаць паводле вынікаў інтэрнэт-апытанняў.
Зараз праслухоўванні на ролю новага Джэймса Бонда ўжо пачаліся. Другі этап кастынгу запланаваны на жнівень, аднак імя акцёра, які стане новым агентам 007, па-ранейшаму трымаецца ў сакрэце.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
