Ля будынка Нацбанка ўтвараюцца чэргі з начнымі дзяжурствамі і пераклічкамі

Як на гэтым можна зарабіць?

На анлайн-пляцоўцы eBay выставілі адразу дзве залатыя памятныя манеты Нацбанка Беларусі. Адна з іх — «Белавежская пушча. Зубр» выпуска 2006 года, другая — «Святы Панцеляймон» 2008-га. За кожную прадавец просіць больш за дзве тысячы долараў, піша «Зеркало».

Манета «Белавежская пушча. Зубр» выстаўлена за 2060,06 долара. Гэта 5815 рублёў паводле курсу Нацбанка на 26 чэрвеня. У апісанні лота прадавец з ЗША адзначыў, што гэта беларускія 50 рублёў 2006 года. Манета залатая, не была ў звароце.

У таго ж прадаўца ёсць яшчэ адна беларуская залатая манета — «Святы Панцеляймон» 2008 года. За яе просяць 2106,99 долара (5947 рублёў). У картцы пазначана, што гэта залатая манета з Беларусі, таксама не была ў звароце.

Паводле інфармацыі Нацбанка, залатая манета «Белавежская пушча. Зубр» мае дыяметр 21 мм і масу 8 грамаў. З іх 7,2 грама прыпадае на чыстае золата. Манета выраблена з золата 900-й пробы, а яе тыраж склаў 3000 экзэмпляраў. Яе цана пазначана 445,93 рубля. Але ўсе яны ўжо распрададзены.

А вось цана «Святога Панцеляймона» на сайце рэгулятара пазначана 3161 рубель. Праўда, яны таксама ўжо распрададзены.

Нагадаем, часам ля кас Нацбанка ў Мінску ўтвараюцца чэргі па памятныя манеты — не абыходзіцца без начных дзяжурстваў і пераклічак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]