Лукашэнка расказаў пра сустрэчу з прадстаўнікамі Зяленскага

Нібыта яны прыязджалі ў Мінск.

Лукашэнка на перамовах з губернатарам Маскоўскай вобласці Андрэем Вароб'ёвым расказаў пра сустрэчу з прадстаўнікамі прэзідэнта Украіны Уладзіміра Зяленскага, якая, нібыта, адбылася ў яго.

«Вось на гэтым месцы нядаўна былі прадстаўнікі Зяленскага. Я ім прама сказаў: «Хлопцы, вы перадайце свайму Прэзідэнту: калі ён думае, што можна вось так з намі размаўляць і яшчэ ўцягнуць нас у вайну, то ён павінен разумець, што характар вайны імгненна зменіцца. Гэта будзе зусім іншая вайна», — нібыта заявіў украінцам Лукашэнка.

Па яго словах, на гэта нібыта быў і адказ:

«Прэзідэнт і яны гэта разумеюць. Таму давайце, хлопцы, дамаўляцца. Трэба дамаўляцца сур'ёзна».

Нагадаем, Уладзімір Зяленскі ў пятніцу, 19 чэрвеня, запатрабаваў ад рэжыму Лукашэнкі цягам тыдня прыбраць рэтранслятары дронаў, якія знаходзяцца ў прыгранічных раёнах Беларусі і якія Расія выкарыстоўвае для каардынацыі нападаў на ўкраінскую тэрыторыю.

«Ён можа гэта зняць? Думаю, яму будзе дастаткова тыдня, каб гэта зрабіць. Калі ён гэтага не зробіць, гэта зробім мы», — заявіў Зяленскі.

Учора, 24 чэрвеня, Зяленскі заявіў, што рэтранслятары спынілі працу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]