Мінскі чыноўнік выставіў беларусам рахунак за паход да лекара
14- 23.06.2026, 13:27
- 8,820
Бясплатная медыцына адмяняецца?
Наведванне тэрапеўта абыходзіцца беларускому бюджэту ў 45 рублёў, а візіт да стаматолага пры адсутнасці складанага лячэння каштуе 70 рублёў. Гэтыя лічбы ў інтэрв'ю БТ агучыў старшыня камітэта па ахове здароўя Мінгарвыканкама Юрый Горбіч.
Чыноўнік таксама распавёў пра выдаткі на шпіталізацыю: адзін дзень знаходжання пацыента на тэрапеўтычнай койцы абыходзіцца казне ў 430–440 рублёў. Суткі ў рэанімацыйным аддзяленні каштуюць значна даражэй — каля 1,7 тысячы рублёў, прычым гэтая сума не ўключае кошт медыкаментаў, амартызацыю абсталявання і заробкі медыцынскага персаналу.
Асобна Горбіч закрануў праблему неабгрунтаваных выклікаў хуткай дапамогі, паскардзіўшыся на безадказнасць некаторых грамадзян. У якасці прыкладу ён прывёў выпадкі, калі медыкаў выклікаюць з-за галаўнога болю пасля банальнага злоўжывання алкаголем. Яшчэ ў адной рэальнай сітуацыі пацыент згадзіўся на паездку ў бальніцу толькі дзеля таго, каб бясплатна даехаць дадому. Даехаўшы да месца, мужчына падзякаваў брыгадзе, паведаміў, што жыве насупраць, і адразу пайшоў. Кіраўнік камітэта падкрэсліў, што галоўная праблема такіх выклікаў нават не ў грошах (хаця кожны выезд хуткай каштуе бюджэту больш за 240 рублёў), а ў тым, што ў гэты момант лекары могуць быць больш патрэбныя ў іншым месцы для выратавання чыёсьці жыцця, бо прадказаць дакладную колькасць неадкладных сітуацый немагчыма.
У тэлесюжэце традыцыйна падкрэслілі, што для пацыентаў медыцына ў краіне з'яўляецца бясплатнай. Пры гэтым прапагандысты прадказальна прамаўчалі пра тое, што дзяржаўны бюджэт, з якога фінансуецца ахова здароўя, фармуецца за кошт падаткаў, якія плацяць самі беларусы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
