У беларускіх абменніках адбылася валютная анамалія

Долар і еўра амаль ва ўсіх банках прадаюць па адной цане.

На валютным рынку Беларусі ўзнікла нетыповая сітуацыя — у абменніках практычна ўсіх банкаў 2 чэрвеня выставілі аднолькавыя курсы продажу долараў і еўра. Чым выкліканая такая сітуацыя, у кантакт-цэнтрах банкаў, у якія звярнуўся журналіст «Zerkalo» як кліент, патлумачыць не змаглі.

Курс продажу банкамі долара — 2,83 рубля. Толькі ў «Статусбанку» — 2,85 рубля — толькі ў гэтай фінансавай установе курс адрозніваецца ад астатніх.

Найвыгадней здаваць амерыканскую валюту ў «Статусбанку» — 2,83 рубля. Курс куплі долараў адрозніваецца ў розных фінансавых установах.

Пры гэтым еўра банкі прадаюць па 3,29 рубля. Толькі ў «Статусбанку» курс складае 3,348 рубля.

Еўра найвыгадней здаваць у «БНБ-Банку», «Статусбанку» — 3,288 рубля.

Найвышэйшы курс продажу банкамі расійскага рубля — 3,85 рубля за 100 расійскіх рублёў («Альфа-Банк», «Банк РРБ», «Тэхнабанк»), а найніжэйшы — 3,82 рубля («БНБ-Банк», «Статусбанк»).

Курс куплі банкамі расійскага рубля найвышэйшы — 3,751 рубля за 100 расійскіх рублёў («БНБ-Банк», «Статусбанк»).

Чым абумоўленая такая сітуацыя з курсамі продажу банкамі долараў і еўра, невядома. «Падказаць вам такую інфармацыю не зможам, на аснове курса Нацыянальнага банка прадастаўляецца курс нашага банка», — паведамілі ў кантакт-цэнтры «Банка БелВЭБ».

У «Беларусбанку» заявілі, што «абменны курс усталёўваецца банкам самастойна». «У залежнасці ад попыту і прапановы па той ці іншай замежнай валюце на аснове аналізу валютнага рынку ў рэгіёне, з улікам ключавых фактараў, да якіх адносяцца афіцыйныя курсы Нацыянальнага банка, катыроўкі валют на міжнародным валютным рынку Forex, аб'ёмы куплі і продажу замежнай валюты ў пунктах продажу банка, іх месцазнаходжанне, рэжымы працы і іншыя фактары», — удакладнілі ў фінансавай установе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]