Politico адмовілася публікаваць артыкул Лаўрова

У ім кіраўнік МЗС РФ адхіляе «ультыматум Еўропы».

Выданне Politico адмовілася публікаваць артыкул міністра замежных спраў РФ Сяргея Лаўрова Украіна, Еўропа і глабальная бяспека, у якім Масква адкінула еўрапейскія мірныя ініцыятывы як «ультыматум».

Прэс-служба расійскага ведамства апублікавала артыкул на сваім афіцыйным сайце.

У прасякнутым расійскімі прапагандысцкімі наратыпамі матэрыяле сцвярджаецца, што Расія нібыта «ні з кім ад кантактаў не адмаўляецца». Пры гэтым Расія ўспрымае Еўропу як бок, які зацікаўлены ў паражэнні РФ.

«Адпаведна, дыялог з Еўропай не можа выбудоўвацца так, быццам бы яна была непрадузятым староннім назіральнікам», — сцвярджае Лаўроў.

Лаўроў зноў заявіў, што мэты РФ у вайне супраць Украіны павінны быць дасягнутыя, але зноў іх не агучыў. Пры гэтым кіраўнік МЗС РФ заявіў пра шматпалярнасць свету і пра тое, што структуру бяспекі неабходна змяняць.

«Галоўнае — для змястоўнага дыялогу патрабуецца аднавіць давер, падарваны антырасійскімі дзеяннямі Захаду і Еўропы як яго складовай часткі ў эпоху пасля «халоднай вайны». Давер можна вярнуць толькі практычнымі крокамі, якія даказваюць шчырасць адмовы ад выкарыстання дыпламатыі ў якасці прыкрыцця для рэалізацыі экспансіянісцкіх замыслаў. Давер нельга вярнуць, а дыялог аднавіць з дапамогай ультыматумаў накшталт таго, які быў прад'яўлены Расіі ў Лондане 7 чэрвеня», — падсумаваў Лаўроў.

Раней лідары Вялікабрытаніі, Германіі і Францыі па выніках сустрэчы з прэзідэнтам Украіны Уладзімірам Зяленскім 7 чэрвеня вызначылі ўмовы для справядлівага міру ва Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]