Алег Дунда: Лукашэнка пасыплецца імгненна

Украінскі дэпутат раскрыў, чаму дыктатар пачаў выбачацца перад Зяленскім.

В інтэрв'ю тэлеканалу «Аль-Арабія» Лукашэнка спрабаваў прадставіць сябе прыхільнікам міру і заявіў, што не хоча ўцягвання Беларусі ў вайну супраць Украіны.

Чаму Лукашэнка менавіта цяпер вырашыў выступіць з такімі заявамі і зноў прымераць на сябе ролю «міратворцы»? Гэтае пытанне сайт Charter97.org задаў дэпутату Вярхоўнай Рады Украіны ад партыі «Слуга народа» Алегу Дундзе:

— Перш за ўсё Лукашэнка пацвердзіў, што Беларусь дэ-факта з'яўляецца краінай, якая не можа сябе абараніць і не мае арміі. Гэта пацверджанне маіх слоў пра тое, што ў выпадку правядзення ўкраінскай аперацыі ўлада Лукашэнкі пасыплецца імгненна. Адразу, імгненна. Там не будзе нават трох дзён. Фактычна ніякіх баёў не будзе. Украіна здольная спакойна ўвайсці ў Мінск практычна без аніводнага стрэлу. Бо ніхто з боку Лукашэнкі супраць Украіны ваяваць увогуле не зможа.

Чаму Лукашэнка гэта сказаў? Усё даволі проста. Чым далей, тым больш з'яўляецца інфармацыі, у тым ліку публічнай, пра тое, што Масква спрабуе выкарыстоўваць Беларусь як пляцоўку для аперацыі ў Балтыйскім рэгіёне. Адпаведна, паступова змяняецца стаўленне да Беларусі з боку краін Заходняй Еўропы.

Але адначасова Расія выкарыстоўвае Беларусь як пляцоўку для інфільтрацыі расіян з візамі, з беларускімі пашпартамі ў Еўрапейскі саюз. Яны не хочуць страціць гэтую магчымасць. Але для гэтага ім трэба прадстаўляць Беларусь як незалежную дзяржаву, якая спрабуе мець добрасуседскія адносіны з краінамі Еўрапейскага саюза.

Менавіта гэтым абумоўлены апошнія заявы Лукашэнкі. Я б сказаў, гэта простая, вельмі простая старая гульня КДБ. Нічога новага або экстраардынарнага ў гэтым увогуле няма. Яна вельмі лёгка чытаецца, яна вельмі простая.

Што да заяў Лукашэнкі адносна Уладзіміра Зяленскага, дык гэта больш цікавая гісторыя. Гэтая заява сведчыць пра тое, што нават Лукашэнка пачаў разумець: Зяленскі з'яўляецца дастаткова ўплывовым у Еўрапейскім саюзе і ў краінах Еўропы. Без яго згоды ці ўхвалення ні адно пытанне з Еўрапейскім саюзам не можа быць вырашана. То бок, гэта пацвярджэнне статусу Украіны ў Еўропе. Таму яны спрабуюць гуляць у гэтую гульню і вымушаныя ліслівіць Зяленскаму, каб ён не блакаваў гэтыя спробы Лукашэнкі.

— Лукашэнка цалкам залежыць ад Крамля і фактычна застаецца марыянеткай Пуціна. Які сігнал Масква можа пасылаць праз такія заявы дыктатара? Ці магчыма, што Пуцін зноў паспрабуе прасоўваць Беларусь як пляцоўку для перамоваў?

— Мы павінны разумець, што Масква не разглядае Украіну як суб'ект гэтай вайны. Для іх гэта вайна не з Украінай, гэта вайна з Еўропай. І навошта весці перамовы з Украінай, калі яны ўвогуле змагаюцца за вяртанне да часоў Варшаўскай дамовы?

Крамлю трэба ў першую чаргу выйсці на дамоўленасці або на так званае сепаратнае пагадненне аб сістэме бяспекі ў Еўропе менавіта з еўрапейцамі і Еўрапейскім саюзам. У дадзеным выпадку яны разглядаюць Украіну як пляцоўку. А хто размаўляе з пляцоўкай? Таму для іх у гэтым няма ніякага сэнсу.

Гэтыя заявы выкарыстоўваюцца для таго, каб захаваць Беларусь як пляцоўку для інфільтрацыі агентуры і ўплыву на памежныя тэрыторыі Еўрапейскага саюза.

— Якім павінен быць адэкватны адказ Украіны на гэтыя словы Лукашэнкі, калі ягоныя рэальныя дзеянні разыходзяцца з заявамі? Бо Беларусь дапамагае Расіі з навігацыяй для «Шахедаў», а беларускія НПЗ нарошчваюць пастаўкі бензіну у РФ.

— Гэта досыць проста. Прамысловы патэнцыял у Беларусі павінен працаваць на перамогу Украіны. А для гэтага Украіна павінна змяніць уладу ў Беларусі. Якім спосабам, думаю, вы здагадваецеся.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]