На дне Міжземнага мора знайшлі «капсулу часу» XVI стагоддзя

Затонулы карабель даследуюць з дапамогай падводных робатаў.

Навукоўцы даследуюць гандлёвае судна, якое затанула ля паўднёва-ўсходняга ўзбярэжжа Францыі, узрост якога складае не менш за 400 гадоў. Карабель ляжыць на глыбіні больш за 2,4 кіламетра, што робіць яго самым глыбакаводным з вядомых затанулых суднаў у тэрытарыяльных водах краіны, піша

Smithsonian magazine.

Карабель, які даследчыкі назвалі Camarat 4, быў загружаны гарматамі, катламі і сотнямі керамічных вырабаў — талерак і збаноў — якія і цяпер можна ўбачыць на марскім дне. Навукоўцы праводзяць абследаванне месца затанання з дапамогай падводнага робата і асцярожна падымаюць невялікую частку артэфактаў.

Спуск на дно дыстанцыйна кіраванага робата — адзінага ў Францыі, здольнага працаваць на такой вялікай глыбіні, — заняў гадзіну. На працягу наступных гадзін яго камеры рабілі восем здымкаў у секунду, стварыўшы 66 974 выявы, якія потым былі аб’яднаны для аднаўлення 3D-мадэлі абломкаў.

Празрыстая вада дазволіла даследчыкам выявіць шэсць гармат, два катлы і якар. Груз сярэднявечных гандляроў складаўся пераважна з керамікі, упрыгожанай складанымі арнаментамі. На некаторых вырабах былі літары IHS — першыя тры літары імя Ісуса Хрыста па-грэцку або па-лацінску.

Навукоўцы дыстанцыйна кіравалі маніпулятарамі робата, каб асцярожна захопліваць артэфакты і дастаўляць іх на паверхню. Даследчыкам удалося паспяхова падняць тры збаны і талерку. Адзін з гэтых збаноў аказаўся акруглай пасудзінай, упрыгожанай цёмна-сінімі лініямі і жоўтымі геаметрычнымі ўзорамі.

«Гэта сапраўдная капсула часу. Складаецца ўражанне, нібыта на гэтым караблі час спыніўся», — дзеліцца галоўная археолаг экспедыцыі Марын Саданія.

Дзякуючы глыбіні судна захавалася ад усіх відаў разбурэнняў, а таксама ад рабавання. У той жа час да абломкаў карабля трапіла сучаснае смецце — у прыватнасці, піўныя банкі, пластыкавыя бутэлькі, рыбалоўныя сеткі і ёмістасці з-пад ёгурту.

Дакладнае месцазнаходжанне карабля пакуль застаецца ў таямніцы. Навукаўцы называюць судна ўнікальным для даследаванняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]