Зяленскі ўвёў санкцыі супраць экс-кіраўніка свайго Офіса
11- 3.05.2026, 8:50
- 8,724
Фота: EPA
Яго дзеянні пагражаюць нацыянальным інтарэсам Украіны.
Прэзідэнт Украіны Уладзімір Зяленскі 2 мая падпісаў указ аб увядзенні персанальных санкцый у дачыненні да некалькіх фізічных асоб. У гэтым спісе — экс-кіраўнік Офіса Прэзідэнта Украіны Андрэй Багдан.
У паведамленні на сайце Прэзідэнта Украіны гаворыцца, што «санкцыі прымянілі ў дачыненні да ўкраінскага юрыста Андрэя Багдана», бо яго дзеянні і іншых асоб, якія трапілі ў гэты спіс, «пагражаюць нацыянальным інтарэсам, бяспецы, суверэнітэту і тэрытарыяльнай цэласнасці Украіны».
«Абмежавальныя меры, у прыватнасці, прадугледжваюць: пазбаўленне дзяржаўных узнагарод Украіны, блакаванне актываў, спыненне гандлёвых аперацый, прадухіленне вываду капіталу за межы Украіны, спыненне дзеяння або прыпыненне ліцэнзій і іншых дазволаў, забарону на прыватызацыю і арэнду дзяржаўнай маёмасці.
Санкцыі ўведзеныя на 10 гадоў, акрамя бестэрміновага пазбаўлення дзяржаўных узнагарод Украіны», — гаворыцца ў тлумачэнні.
Андрэй Багдан — юрыст паводле адукацыі. Падчас прэзідэнцкай кампаніі 2019 года Багдан быў дарадцам па юрыдычных пытаннях кандыдата Уладзіміра Зяленскага. У інтэрв’ю «Украінскай праўдзе» ён распавядаў, што асабіста ўгаварыў Зяленскага балатавацца ў прэзідэнты.
Пасля перамогі на выбарах у маі 2019 года Зяленскі прызначыў Багдана кіраўніком Офіса Прэзідэнта. У лютым 2020 года Багдан быў зняты з пасады, пасля чаго пачаў публічна крытыкаваць палітыку Зяленскага.
Сам Зяленскі распавядаў «Украінскай праўдзе», што думаў прызначыць Андрэя Багдана генеральным пракурорам, але заўважыў, што яго «ўлада псуе, робіць канфліктным», і прыняў рашэнне звольніць яго.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
