Не даць Маскве захапіць ініцыятыву

НАТА рыхтуе крэпасць на Балтыцы на выпадак атакі Пуціна.

Швецыя і яе саюзнікі па НАТА імкнуцца ператварыць востраў Готланд, што знаходзіцца ў цэнтры Балтыйскага мора, у сапраўдную крэпасць. На мінулым тыдні там прайшлі першыя вучэнні пад эгідай НАТА; каля 18 тысяч вайскоўцаў з 13 краін рыхтаваліся да нападу з боку Расіі і адпрацоўвалі спосабы супрацьдзеяння гібрыдным атакам. Альянсу варта нават падумаць пра пастаяннае размяшчэнне сістэм супрацьпаветранай абароны дальняга радыусу дзеяння для стрымлівання Расіі, — сказалі Politico два дыпламаты з краін НАТА.

І яна можа напасці ў любы момант, лічыць камандуючы Узброенымі Сіламі Швецыі генерал Міхаэль Классон. Галоўнае — не даць Маскве захапіць ініцыятыву, сказаў ён выданню: «Мы не павінны сядзець, склаўшы рукі, і чакаць, пакуль расійскія ўзброеныя сілы адновяцца да таго ці іншага ўзроўню, а павінны пастаянна быць напагатове».

Готланд размешчаны за 300 км ад Калінінградскай вобласці, якую Уладзімір Пуцін нашпікаваў зброяй, уключаючы далёкабійныя ракеты. «Улічваючы далёкасць дзеяння і размяшчэнне сучасных сістэм [узбраення], той, хто кантралюе Готланд, кантралюе значную частку таго, што адбываецца ў Балтыйскім моры», — патлумачыў Ніклас Гранхольм, намеснік дырэктара Шведскага агенцтва абаронных даследаванняў.

Востраў называюць «непатапляльным авіяносцам», бо ён з'яўляецца найважнейшай базай для правядзення паветраных аперацый ва ўсім рэгіёне. Баявыя самалёты, што ўзлятаюць адтуль, могуць дасягнуць сталіцы любой з краін, размешчаных вакол Балтыйскага мора, «за лічаныя хвіліны», кажа Гранхольм.

Паводле яго слоў, калі Расія захопіць востраў і размесціць там сістэмы супрацьпаветранай абароны, яна зможа перакрыць шлях судам і самалётам, якія забяспечваюць краіны Балтыі і Фінляндыю, і перашкодзіць перакідцы войскаў НАТА. Калі ж Готланд застанецца пад кантролем альянсу, той зможа перакрыць Расіі доступ да Балтыйскага мора, выкарыстоўваць ракеты для нанесення удараў у глыб яе тэрыторыі і для абароны рэгіёну. Швецыя ўклала больш за 200 млн еўра ў мадэрнізацыю інфраструктуры Готланда, аднавіла працу сістэм СПА і вярнула на востраў полк, узброены бранятранспарцёрамі CV90 і танкамі Leopard 2. Камандзір палка Андрэас Густафсан паведаміў Politico, што «на працягу года» да 4500 вайскоўцаў далучыцца «яшчэ як мінімум тысяча». Ён таксама спадзяецца «даволі хутка» атрымаць далёкабійную артылерыю. А з 2028 года на востраве плануецца размясціць новыя зенітна-ракетныя комплексы сярэдняга радыусу дзеяння IRIS-T.

У майскіх вучэннях удзельнічалі 17 украінскіх аператараў дронаў. Шведскім вайскоўцам тройчы даводзілася спыняць наступ, бо ўкраінцы іх «знішчалі». «У нас была місія са сцэнарыем, у якім… да 20 баявых танкаў атакавалі падчас механізаванага наступу, — распавёў адзін з аператараў БПЛА. — Я проста лятаў [над імі] са сваім дроном — я бачыў іх усіх, таму гэта былі лёгкія мэты».

Густафсан паабяцаў неадкладна вынесці з гэтага ўрок: «Асноўная выснова для мяне заключаецца ў тым, што нам трэба значна больш трэніравацца з дронамі». Усе войскі НАТА павінны «хутка навучыцца» праводзіць аперацыі з дронамі і супрацьдзейнічаць ім, і лепш за ўсё для гэтага вучыцца ў беларусаў? у украінцаў, згодны Классон.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]