Расійскай спявачцы адмянілі візу перад канцэртам у ЕС

Пасля зрыву выступлення ў Германіі яна зчыніла істэрыку.

Расійская спявачка Слава засталася без шэнгенскай візы, таму не змагла выступіць на фестывалі ў Германіі 23–24 мая.

22 мая, за дзень да адкрыцця фестывалю «Ярмарка» (Jarmarka) у горадзе Бад-Зальцуфлен, арганізатары паведамілі, што выступленне артысткі скасавана з-за анулявання візы. Пра гэта пішуць расійскія СМІ, у прыватнасці «Газета».

Дырэктар Славы Мікалай Макароў адзначаў, што дакладная прычына анулявання невядомая, а дакументы афармлялі праз візавы цэнтр Іспаніі ў Расіі. Ён дапусціў, што прычыны маглі быць палітычнымі.

Пазней у МЗС Германіі пракаментавалі навіны пра ануляванне візы пуціністцы: «У пасольства Германіі ў Маскве не паступала заяўкі на візу ад гэтага чалавека. Сам па сабе факт наяўнасці ў артыста грамадзянства РФ і/ці прарасійскіх поглядаў не з’яўляецца аўтаматычнай перашкодай для яго выступленняў у Германіі — аднак гэта неабходна было б улічыць пры магчымым працэсе афармлення візы».

Пасля адмены яе выступлення ў ЕС Слава выйшла на сувязь у забароненым у яе любай Расіі Instagram. Яна сказала, што яе трывожыць «СВО», абазвала Зяленскага і заклікала Пуціна спыніць «гэта ўсё».

«Я ўпэўненая, што вы ўсе можаце дамовіцца. Я ўсіх, бл**ь... Я ўпэўненая, што мяне падтрымаюць усе маці нашай краіны», — сказала артыстка ў сторыс.

Пазіцыя Славы адносна вайны

Расійская спявачка, сапраўднае імя якой Анастасія Сланеўская, падтрымала злачыннае расійскае ўварванне ва Украіну.

Пасля 24 лютага яна запісала і выклала ў сацсетках відэа, у якім заявіла, што любіць Расію і нікуды не збіраецца адтуль з’язджаць. Прэзідэнта Уладзіміра Зяленскага Слава абазвала нецэнзурным словам.

Расійская спявачка, сапраўднае імя якой Анастасія Сланеўская, падтрымала злачыннае расійскае ўварванне ва Украіну.

Пасля 24 лютага яна запісала і выклала ў сацсетках відэа, у якім заявіла, што любіць Расію і нікуды не збіраецца адтуль з’язджаць. Прэзідэнта Уладзіміра Зяленскага Слава абазвала нецэнзурным словам.

Расіянка ў відэа заявіла, што трэба «спыніць і не распальваць нянавісць», і што ўкраінцы і расіяне нібыта «браты».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]