«Недарэмна Пуцін хвалюецца, што Лукашэнка можа баяцца»

Дыктатара «Лукашэску» называюць, а ён нават не адказвае.

Аналітык Сяргей Чалы разважае, чаму Лукашэнка больш не адказвае Зяленскаму.

— Украіна ў апошні час намякае Лукашэнку, папярэджвае ад уцягвання ў вайну. Усе здзіўляліся: дзе ж рэакцыя кіраўніка? — адзначае Чалы ў праграме «Белсату».

— Раней — імгненная рэакцыя, эмацыйная, не саромеючыся ў выразах: «Ды я ж да цябе як да сына, а ты як гніда…». Далей было так: спачатку паўза, усе чакалі рэакцыі, але Лукашэнка, відаць, не мог яе сфармуляваць. Таму ўключалася Эйсмант і каментавала для расійскіх СМІ, што Лукашэнка думае з гэтай нагоды.

А цяпер што? Ну, я ж усё разумею, і ў такім духу. Чалавека «Лукашэску» называюць, а ён… Гэта да пытання пра тое, што недарэмна Пуцін хвалюецца, што Лукашэнка можа баяцца.

Дарэчы, пра страх. Нядаўна Лукашэнка з’ездзіў на прысягу ў вучылішча, дзе сказаў: «Як я кажу, салдат павінен своечасова ўцячы ад кулі, вось гэта галоўнае для салдата». Я думаю: Божа ты мой, што такое ўцячы ад кулі? Тут магчымыя толькі два тлумачэнні.

Першае — Коля (малодшы сын Лукашэнкі — рэд.) паказаў яму фільм «Матрыца». Але гэта як жарт. Насамрэч, думаю, Лукашэнка думаў не пра кулю — а як уцячы ад беспілотнікаў. А каб страх яго не пакідаў, Мадзяр (камандуючы Сіламі беспілотных сістэм Украіны — рэд.) ужо трэці раз выдаў яму папярэджанне.

Улічваючы нядаўні званок прэзідэнта Францыі Эмануэля Макрона у Мінск, аналітык падсумоўвае:

— Да чаго мы дайшлі? Макрон, перш чым патэлефанаваць Лукашэнку, спачатку пагутарыў з Зяленскім. Мы ведаем, што ЗША папрасілі Зяленскага паўплываць на Еўрасаюз, каб яны дапамаглі ў пытаннях беларускага калію.

То бок, Лукашэнка думаў, што амерыканцы цяпер прыкрыкнуць на еўрапейцаў, тыя — на Украіну, і так усё будзе ўладкавана. А аказалася, што ўсё працуе не так. Што насамрэч Украіна з’яўляецца ключавым гульцом як у палітычных, так і ў эканамічных пытаннях — у тым ліку санкцыйных. З ёй раіцца Еўрасаюз.

А Украіна, як яна кажа, прымае рашэнні па Беларусі дзякуючы ўзаемадзеянню з прадстаўніцай беларускіх дэмакратычных сіл.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]