Лукашэнка пахваліў «айчынную» сяялку, якую скралі ў нямецкага брэнда

Amazone можа падаць у суд за выкарыстанне сваіх тэхналогій.

У пятніцу, 1 мая, Аляксандр Лукашэнка адправіўся з працоўнай паездкай у Мінскі раён. Там яму прэзентавалі ўзор энерганасычанага трактара BELARUS-5425 і прычэпныя агрэгаты да яго. У тым ліку і сяялкі вытворчасці «Лідааграпраммаш». Праўда, іх скапіявалі ў нямецкага вытворцы. У гэтым прызнаўся сам дырэктар завода Эдуард Шалль, піша «Зеркало».

Перад аглядам сяялкі Аляксандр Лукашэнка спытаў у чыноўнікаў: «Сяялка наша?». «Наша», — адказалі яны.

— Дык ты скапіраваў ці, як кажуць, зрабіў нешта падобнае? — спытаў Лукашэнка ў дырэктара «Лідааграпраммаша».

— Калі рабілі дванаццаціметровую, узялі за аснову Amazone, — прызнаўся дырэктар.

Amazone — вядомы нямецкі брэнд сельскагаспадарчай тэхнікі. І сапраўды, сяялка ад «Лідааграпраммаш» выглядае падобна на сяялку Citan гэтага нямецкага вытворцы.

— Там, можа, толькі працэнтаў 10 — высеўны апарат, — адзначыў Шалль.

— Ну за гэта малайцы, — пахваліў Лукашэнка.

Нямецкі брэнд сельскагаспадарчай тэхнікі Amazone — лідар рынку ЕС па вытворчасці тэхнікі для апрацоўкі глебы, сяўбы, унясення ўгнаенняў і абароны раслін. Кампанія з’явілася ў Германіі ў 1883 годзе. Цяпер Amazone вядомая сваімі інавацыйнымі рашэннямі ў галіне дакладнага земляробства, якія дапамагаюць фермерам павышаць ураджайнасць і эфектыўна выкарыстоўваць рэсурсы. Прадукцыя брэнда — ад сяялак і культыватараў да апырсквальнікаў — пастаўляецца ў дзясяткі краін. Таксама нямецкі вытворца валодае сотнямі патэнтаў на свае тэхнічныя рашэнні. І не выключана, што можа падаць у суд за выкарыстанне сваіх тэхналогій.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]