У Афрыцы — новая ўспышка ліхаманкі Эбола

У Конга памерлі 80 чалавек.

Восемдзесят чалавек загінулі ў выніку ўспышкі ліхаманкі Эбола ў правінцыі Ітуры на паўночным усходзе Дэмакратычнай Рэспублікі Конга (ДРК). Пра гэта ў пятніцу, 15 мая, паведаміла Міністэрства аховы здароўя ДРК. Хвароба распаўсюджваецца на фоне цяжкай гуманітарнай сітуацыі і гвалту ў Ітуры, перадае «Нямецкая хваля».

Вынікі аналізаў узораў, праведзеных 14 мая, пацвердзілі восем выпадкаў заражэння штамам віруса ў раёнах Рвампара, Монгвалу і Бунія, паведаміў міністр аховы здароўя ДРК Самюэль Ражэ Камба.

Паводле дадзеных ведамства, зарэгістравана 246 выпадкаў падазрэння на заражэнне вірусам. Першы з іх быў зафіксаваны ў Евангельскім медыцынскім цэнтры ў Буніі, дзе памерла медсястра з сімптомамі, што ўключалі ліхаманку, крывацёк, ваніты і моцную слабасць, нагадала агенцтва Reuters.

Улады разгортваюць групы рэагавання

Урад ДРК паведаміў, што задзейнічаў аператыўны цэнтр па надзвычайных сітуацыях у сферы грамадскага здароўя, узмацніў эпідэміялагічны і лабараторны нагляд, а таксама распарадзіўся тэрмінова разгортваць групы рэагавання.

Афрыканскія цэнтры па кантролі і прафілактыцы захворванняў (Africa CDC) заявілі, што склікаюць экстраную нараду з удзелам ДРК, Уганды, Паўднёвага Судана і глабальных партнёраў для ўзмацнення трансгранічнага нагляду і мер рэагавання.

Праводзіцца секвенаванне геному штаму

Папярэднія вынікі сведчаць пра наяўнасць штаму віруса, адрознага ад раней фіксаванага «заірскага». Цяпер праводзіцца секвенаванне геному для далейшай ідэнтыфікацыі.

Кангалезскі мікрабіёлаг, адзін з першых, хто выявіў вірус Эбола, Жан-Жак Муембэ-Тамфум удакладніў, што з 16 папярэдніх успышак у ДРК усе — акрамя адной — былі выкліканыя «заірскім» штамам. Існуючыя метады лячэння і вакцыны распрацаваныя пераважна супраць апошняга.

Складаная гуманітарная сітуацыя

У Africa CDC нагадалі, што раёны, дзе зафіксаваная цяперашняя ўспышка, знаходзяцца недалёка ад Уганды і Паўднёвага Судана. «З улікам інтэнсіўнай міграцыі насельніцтва паміж закранутымі раёнамі і суседнімі краінамі, надзвычай важная аператыўная каардынацыя на рэгіянальным узроўні», — падкрэсліў генеральны дырэктар Africa CDC Жан Касэя.

Цяперашняя ўспышка — 17-я ў ДРК з моманту выяўлення віруса Эбола ў 1976 годзе. Да гэтага пацярпела правінцыя Касаі, але там 1 снежня 2025 года было абвешчана пра нармалізацыю сітуацыі. Тады з 64 захварэлых 45 памерлі, 19 выздаравелі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]