Навукоўцы назвалі самыя карысныя «вячэрнія» напоі

Яны падыдуць людзям з дыябетам.

Людзям з цукровым дыябетам другога тыпу ўвечары лепш выбіраць траўяныя чаі — напрыклад, з карыцай, рамонкам або лавандой. Такія напоі дапамагаюць падтрымліваць узровень цукру ў крыві і пазбягаць абязводжвання, расказала дыетолаг Трэйсі Локвуд Беккерман у размове з выданнем Eating Well.

Паводле слоў спецыялісткі, чай з карыцай можа быць асабліва карысным: некаторыя даследаванні паказваюць, што карыца ўскосна садзейнічае зніжэнню ўзроўню глюкозы ў людзей з дыябетам другога тыпу. У карыцы змяшчаюцца біялагічна актыўныя злучэнні, такія як карычны альдэгід, карычная кіслата, карычны спірт, кумарын і эвгенол. Гэтыя кампаненты могуць уздзейнічаць на розныя звёны вугляводнага абмену.

«Яшчэ адзін адпаведны варыянт — траўяныя чаі без цукру, напрыклад рамонкавы або лавандовы. Яны дапамагаюць падтрымліваць вадны баланс, што важна для кантролю ўзроўню цукру ў крыві. Пры абязводжванні канцэнтрацыя глюкозы ў крыві можа павышацца», — патлумачыла экспертка.

Дыетолаг таксама адзначыла, што вячэрняя звычка піць гарачы траўяны чай садзейнічае расслабленню і зніжэнню ўзроўню карызолу — гармона стрэсу. Яго высокі ўзровень можа ўзмацняць выпрацоўку глюкозы ў арганізме, нават у людзей без дыябету.

Дадаткова лекарка ўдакладніла, што гэтыя рэкамендацыі не замяняюць паўнавартаснае медыкаментознае лячэнне, здаровую дыету і фізічную актыўнасць, а з'яўляюцца дапаможнай мерай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]