На Брэсцчыне тушылі люты пажар ля храма

Полымя пагражала 400-гадоваму касцёлу.

У Ружанах на Брэсцчыне 7 красавіка адбыўся пажар ля касцёла. Там займеўся аб’ёмны штабель дроў — відэа барацьбы з вялікім полымем апублікавала МНС.

Пажар штабеля дроў адбыўся ў гарпасёлку Ружаны Пружанскага раёна. Судзячы з відэа, там разгарэлася вялікае полымя.

«На момант прыбыцця да месца выкліку падраздзяленняў МНС гарэлі дровы на тэрыторыі кацельні, узнікла пагроза распаўсюджвання агню на бліжэйшыя пабудовы, у тым ліку на размешчаны непадалёк касцёл», — паведамілі ў МНС.

У выніку выратавальнікі «аператыўна спынілі распаўсюджванне агню і ліквідавалі пажар» з выкарыстаннем шасці аўтамабіляў.

Ніхто не пацярпеў. Прычыны здарэння высвятляюцца.

Ружанскі касцёл Святой Тройцы — помнік архітэктуры, пабудаваны ў 1615—1617 гадах. Гісторыка-культурная каштоўнасць Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]