ЦРУ ўжыло сакрэтную прыладу «Прывідны шэпт» у Іране
6- 7.04.2026, 21:32
- 6,434
Унікальная тэхналогія выкарыстоўвае квантавую магнітаметрыю дальняга дзеяння.
ЦРУ выкарыстала сакрэтны інструмент «Прывідны шэпт» (англ. — Ghost Murmur) для выратавання збітага лётчыка на тэрыторыі Ірана, піша The New York Post са спасылкай на крыніцы.
Тэхналогія выкарыстоўвае квантавую магнітаметрыю дальняга дзеяння для выяўлення электрамагнітнага адбітку сэрцабіцця чалавека і супастаўляе гэтыя даныя з праграмным забеспячэннем на аснове штучнага інтэлекту для выдзялення гэтага адбітку на фоне шуму.
«Прывідны шэпт» быў ужыты ў палявых умовах упершыню. Як адзначае NYP, пра гэта на брыфінгу намякнулі прэзідэнт ЗША Дональд Трамп і дырэктар ЦРУ Джон Рэткліф.
«Гэта як пачуць голас на стадыёне, толькі стадыён — гэта тысяча квадратных міль пустыні. Пры адпаведных умовах, калі ваша сэрца б'ецца, мы вас знойдзем», — расказаў выданню The New York Post суразмоўца, знаёмы з праграмай.
«Прывідны шэпт» пратэставалі на верталётах Black Hawk. У будучыні прыладу могуць пачаць выкарыстоўваць на знішчальніках F-35, паведаміла крыніца выдання.
Пустынны ландшафт у Іране стаў ідэальным месцам для першага прымянення прылады. Паводле слоў крыніцы NYP, з-за нізкіх электрамагнітных перашкод і амаль поўнай адсутнасці канкуруючых сігналаў ад людзей гэта было «амаль ідэальнае асяроддзе».
«Звычайна гэты сігнал настолькі слабы, што яго можна вымяраць толькі ў умовах бальніцы з датчыкамі, амаль прыціснутымі да грудзей. Але дасягненні ў галіне квантавай магнітаметрыі — у прыватнасці, сенсары, заснаваныя на мікраскапічных дэфектах у сінтэтычных дыяментах, — відаць, зрабілі магчымым выяўленне гэтых сігналаў на значна большых адлегласцях», — паведаміла крыніца журналістам.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
